18 abonentë janë dërguar për ndjekje penale pas konstatimit se kanë shkelur ligjin dhe kanë vjedhur energjinë elektrike. Gjatë tre ditëve të fundit, Drejtoria Rajonale e Operatorit të Shpërndarjes së Energjisë Elektrike Tiranë, në bashkëpunim me Policinë e Shtetit, kanë ushtruar 1722 kontrolle, ku afro 300 verifikime janë kryer te subjektet private.
Në një njoftim për shtyp, Klevis Jahaj, drejtori i Drejtorisë Rajonale Tiranë, i bën apel abonentëve se kontrollet do të vijojnë, madje duke shtuar verifikimet, sidomos mbrëmjeve. Ai paralajmëron se nuk do të ketë asnjë tolerim për ata që nuk e paguajnë energjinë e konsumuar./abcnews.al
