Spanja është vendi më i prekur në Europë nga koronavirusi pas Italisë. Rastet e personave të infektuar dhe atyre të vdekur po shtohen për fat të keq. Shumë njerëz të futbollit po nxitojnë për të ndihmuar vendin e tyre dhe Sergio Ramos nuk mund të mungonte.
Kapiteni i Real Madrid ka kryer një gjest shumë fisnik. AS raporton se qendërmbrojtësi, në bashkëpunim me gruan e tij dhe UNICEF, organizatë në të cilën është ambasador botëror, ka dhuruar 264 mijë maska mbrojtëse, 15 mijë tampone për të kryer testet dhe rreth 1000 pajisje mbrojtëse.
Solidarizim i madh i Sergio Ramos, që tregon zemrën e madhe në këtë moment të vështirë për bashkëqytetarët e tij dhe gjithë botën. /abcnews.al
