Titullin në Seria A do të vendoset në ndeshjet e fundit, teksa në distancë do të duelojnë Milan dhe Inter. Kuqezinjtë e Stefano Piolit janë dhe kryesuesit e kampionatit me 2 pikë më shumë se kundërshtari i tyre Inter.
Në ndeshjen e fundit që zikaltërtit e Simone Inzaghit do të tentojnë fitoren ndaj Sampdorias në “San Siro” për të shpresuar më pas tek humbja e Milan ndaj Sassuolos.
Për këtë nuk janë dorëzuar aspak lojtarët e Interit, ku Ivan Perisic ka një mesazh për të gjithë tifozët zikatër, teksa iu kërkon të mos dorëzohen.
“Mos u dorëzo kurrë. Totalisht i përqendruar për ndeshjen e së dielës”, është mesazhi i kroatit në rrjetin social “Instagram”.
Sa i takon të ardhmes së mesfushorit kroat, akoma mes palëve vazhdojnë kontaktet për rinovimin e kontratës, me klubin që i ofron lojtarit kontratë 2-vjeçare dhe një pagë sezonale 4.5 milionë euro, por kroati nuk është plotësisht i kënaqur dhe po sheh edhe ofertat e skuadrave të tjera.
Në fund të sezonit palët do të takohen për të vendosur përfundimisht nëse do të vazhdojnë bashkë, apo lojtari do të fillojë një aventurë të re. /f.a/abcnews.al
