“Ndërkombëtarët arma e opozitës?” Bylykbashi: Propozimi i PS për lista të hapura, gënjeshtër

schedule18:24 - 18 Shtator, 2020

schedule 18:24 - 18 Shtator, 2020

Përfaqësuesi i PD në Këshillin Politik, Oerd Bylykbashi në studion e ABC News foli për propozimin e PS për listat e hapura.

Për ish-deputetin listat e hapura janë thjesht një mashtrim dhe se qytetarët shqiptarë janë gënjyer, duke theksuar se rregullat po ndërrohen në mes të procesit dhe kjo sipas tij është kundër çdo standardi.

“Fakti që PS sot ka gënjyer shqiptarët në lidhjen me listat e hapura. Kjo ishte loja, nuk janë lista të hapura dhe nuk është ajo që prisnin shqiptarët. Ishte një përpjekje e PS. Ndodhi ajo që në kishim paralajmëruar, kërkuam t’i drejtohen  ODIHR për ekspertizë. Ka një ndarje të pastër midis opozitës dhe mazhorancës. E gjithë ajo që po përpiqet të bëjë është të heqë koalicionet siç janë sot në Kodin Zgjedhor. Ajo që mbështet opozita është ajo që është rënë dakord në vitin 2003, ku të dyja palët kanë bërë ndryshime me konsensus të modelit të koalicionit”, u shpreh Bylykbashi.

Lexo edhe: Debati për listat, Gjiknuri shmang debatin me Bylykbashin në Abc News: Hajde me draft konkret

Gjatë bisedës në studio Bylykbashi u tha se listat e hapura u përdorën si alibi për të hequr koalicionet.

“Ramës i intereson rezultati në fund, pak rëndësi ka se më kë e zgjidh. Në Shqipëri ka 30 vjet që koalicioni është traditë politike. Sot edhe pse kanë hequr të drejtën e koalicionit që të propozojë kandidat, nuk është hequr nga Kushtetuta. Por shqiptarëve iu tha sot, se listat e hapura ishin, loja”, tha ai.

Sakaq ai shtoi se Partia Socialiste është e vetme në përballje më të gjithë të tjerët, ndërsa shtoi se

“Sot, PS është e vetme në përballje më të gjithë të tjerët. Ka një kriminalitet që po shpërthen në mes të Tiranës, ka një menaxhim skandaloz të pandemisë dhe krizës që prodhoi tërmeti. Ndaj kemi zgjedhje çdo katër vjet dhe PS rezulton me një rënie në sondazhe. Partitë tashmë bëjnë pazar”, tha ai.

I pyetur, nëse këtë herë faktori ndërkombëtar do të jetë arma e opozitës, që do të detyrojë Ramën ti thërrasë arsyes, Bylykbashi tha se kryeministri Edi Rama vitin që vjen do të humbasë dhe se PD ofron një program për të ndryshuar mënyrën e qeverisjes.

Pjesë nga intervista në studio:

Koalicionet në formën që i keni njohur deri sot mund të qëndrojnë me ndryshimet Kushtetuese?

Bylykbashi: Nëse ne duam të mbajmë pragun zgjedhor siç e kemi sot, do të duheshim të ktheheshim të Parlament, të ndryshohej Kushtetuta. Kushtetuta tashmë thotë se propozimin për kandidatë e bëjnë zgjedhësit, ndërsa sistemi që kemi sot ia jap të drejtën partive politike.

Në ndryshimet që ratë dakord, shumë prej gjërave që kërkonte ODIHR,  nuk i pranuat. Si p.sh; depolitizimi i administratës?

Bylykbashi: Të shihet mënyra e emërimit, ODIHR thotë se administrata është e politizuar dhe nën presion politik.

Rekomandimi nga numri 13 shkoi në numër 3 në vitin 2017, u bë një problem presioni tek punonjësit e administratës.

Ne themi se problemi duhet zhdukur, jo ta justifikojmë. Po flasim për një proces zgjedhor që është i shpartalluar. Po ndërrohen rregullat në mes të procesit dhe kjo është kundër çdo standardi.

Keni bërë cirqe logjike-juridike për të justifikuar vendimet e KQZ!

Bylykbashi: Thelbi është të ndryshosh rregullat. Edi Rama po ndryshon rregullat në mes të procesit.

Ajo që propozon Edi Rama është hequr nga PS dhe PD bashkë, ai po e rikthen dhe shqiptarët u gënjyen. Listën do ta ndajë përsëri Edi Rama. Kjo është gënjeshtra e madhe që i është thënë shqiptarëve.

Ju e prisnit?

Bylykbashi: Edi Rama është një personazh që në politikë në raport me zgjedhjet, ka prodhuar konflikt.

Rama ka treguar se ka shkuar përtej pritshmërive tuaja. Shkoi i vetëm në zgjedhje! Këtë herë do të jetë faktori ndërkombëtar arma e opozitës të detyrojë Ramën ti thërrasë arsyes?

Bylykbashi: Zgjedhjet ishin kundër interesit të zgjedhësve dhe opinioni publik është i rëndësishëm. Kjo që po ndodh është kosto. Sido që ta bëjë sistemin zgjedhor Edi Rama, vitin që vjen, humbet. Ajo që PD ofron është programi për të ndryshuar mënyrën e qeverisjes.

Ka shkelur ligjin, Edi Rama?

Bylykabshi:  ODHIR e thekson se mungesa e Gjykatës Kushtetuese është një nga gropat më të mëdha.

/abcnews.al/