Dy persona të shpallur në kërkim kombëtar prej kohësh janë ndalur nga policia ditën e sotme.
Në njoftimin për media, Policia e Durrësit njofton se të ndaluarit janë G. D., 46 vjeç, banues në Sukth dhe G. K., 32 vjeç, banues në fshatin Picrrakë, Krujë.
Për shtetasin G.D., Gjykata e Shkallës së Parë Durrës e ka dënuar me 1 vit burg, për veprën penale “Goditje për shkak të detyrës”.
Ndërsa për shtetasin G. K., Gjykata e Apelit Tiranë i ka dhënë masën e sigurisë “Arrest në burg”, për veprën penale “Kultivim i bimëve narkotike”.
Njoftimi i policisë:
Ndalohen dy shtetas të shpallur në kërkim kombëtar për vepra të ndryshme penale.
Specialistët për Hetimin e Krimeve në Komisariatin e Policisë Durrës dhe Krujë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasit:
- D., 46 vjeç, banues në Sukth, sepse Gjykata e Shkallës së Parë Durrës e ka dënuar me 1 vit burg, për veprën penale “Goditje për shkak të detyrës”.
- K., 32 vjeç, banues në fshatin Picrrakë, Krujë, sepse Gjykata e Apelit Tiranë i ka dhënë masën e sigurisë “Arrest në burg”, për veprën penale “Kultivim i bimëve narkotike”.
Materialet i kaluan Prokurorisë së Rrethit Gjyqësor Durrës, për veprime të mëtejshme./abcnews.al
