Dy persona të shpallur në kërkim për vjedhje janë ndaluar nga Policia e Lushnjes.
Ata janë Nuri Hatija, 21 vjeç dhe Eduart Sharka, 23 vjeç, të dy banues në Lushnje.
“Ndalimi i këtyre shtetasve u bë pasi Gjykata e Rrethit Gjyqësor Lushnje me vendimin e datës 31.05.2018 i ka dënuar me 4 muaj burg, për veprën penale “Vjedhje” , e kryer në bashkëpunim, parashikuar nga Neni 134/2 i Kodit Penal”, shkruhet në njoftimin e Policisë.
Hatija dhe Sharka në bashkëpunim me njëri-tjerin në 30 Shtator të vitit të kaluar i kanë vjedhur një sasi të konsiderueshme lekësh një 30-vjeçari./abcnews.al
