Arkitekti i njohur uruguaian Rafael Vignoli, i cili projektoi rrokaqiejt ikonikë, si ai në rrugën Fenchurch të Londrës, i njohur më mirë si ‘Walkie-Talkie’ për shkak të formës së tij, ka vdekur në moshën 78-vjeçare.
“Në emër të familjes sime, kolegëve dhe shumë prej partnerëve tanë në mbarë botën, me dhimbje ju njoftoj se babai im vdiq papritur të enjten, më 2 mars, në moshën 78-vjeçare”, thuhet në mesazhin e postuar dje nga djali i tij në faqen e internetit të kompanisë së themeluar nga Vignoli dhe me qendër në Nju Jork.
Kush ishte arkitekti Raphael Vignoli
Arkitekti, i lindur në Montevideo në vitin 1944, ka lënë gjurmë në më shumë se 600 projekte në mbarë botën: mes tyre hotele, vende koncertesh, ambiente sportive, aeroporte dhe Ura e famshme e Rrumbullakët në Lagunën Garçon të Uruguait.
Manchester City, për të cilin ai projektoi qendrën e tij stërvitore “City Football Academy”, i shprehu ngushëllimet familjes së arkitektit të ndjerë përmes Twitter.
We are deeply saddened to learn of the passing of our cherished friend and renowned architect, Rafael Viñoly who designed the Club’s training ground, City Football Academy.
Our thoughts are with his family and friends at this difficult time. pic.twitter.com/rVnxJaQmOy
— Manchester City (@ManCity) March 3, 2023
Disa nga krijimet e Vignolit kishin shkaktuar reagime. Një rast i tillë është rrokaqielli 85-katësh me pamje nga Central Park i Nju Jorkut, një kompleks apartamentesh, qiramarrësit milionerë të të cilit ngritën padi për zhurmë dhe dridhje.
Në Londër, rrokaqiell “Walkie-Talkie” u bë tituj në 2013 sepse reflektimi i dritës së diellit në fasadën e tij të zbrazët prej xhami kishte dëmtuar një Jaguar të parkuar./abcnews.al
