Kreu i rindërtimit të Notre Dame pas zjarrit shkatërrues që shpërtheu tre vjet më parë, gjenerali Jean-Louis Georgelin vdiq në një aksident gjatë shëtitjes në Pirenej.
Vdekja e tij u raportua në mediat franceze dhe u konfirmua nga presidenti Emmanuel Macron .
“Kombi po humbet një nga ushtarët e tij të mëdhenj. Franca, një nga shërbëtorët e saj të mëdhenj. Dhe Notre Dame, arkitektin e rilindjes së saj ”, tha Macron në X.
Avec le décès du général Jean-Louis Georgelin, la Nation perd l’un de ses grands soldats. La France, un de ses grands serviteurs. Et Notre-Dame, le maître d’œuvre de sa renaissance. pic.twitter.com/gxskQoQbF4
— Emmanuel Macron (@EmmanuelMacron) August 19, 2023
74-vjeçari, një ish-shef i Shtabit të Përgjithshëm të Ushtrisë dhe kreu i projektit të restaurimit të Katedrales Notre Dame, vdiq në male në një lartësi prej 2246 metrash.
Mobilizimi i ekipeve të shpëtimit ka qenë i menjëhershëm, ku një helikopter ka “krehur” zonën dhe më në fund ka lokalizuar arkitektin pak kohë më vonë.
Si Shef i Shtabit të Forcave të Armatosura Franceze (Cema) nga 2006 deri në 2010, Georgelin mbikëqyri operacionet në Bregun e Fildishtë, Afganistan, Ballkan dhe Liban. Macron e zgjodhi atë në vitin 2020 për të orkestruar rindërtimin e Katedrales Notre Dame./abcnews.al
