Anëtarja e Gjykatës së Lartë, Ruth Bader Ginsburg u nda nga jeta të premten. 87 vjeçarja vdiq nga kanceri i pankreasit, sipas njoftimit të Gjykatës së Lartë. Ginsburg, një zë i fuqishëm për kauza liberale ishte gruaja e dytë që ka qenë anëtare e Gjykatës së Lartë, raporton BBC.
“Kombi ynë ka humbur një gjykatëse historike,” tha përmes një deklarate Kryetari i Gjykatës së Lartë, John Roberts.
Para se të bëhej anëtare e Gjykatës së Lartë në 1983, Ginsburg ka qenë një aktiviste për të drejtat e grave. Vdekja e saj nga ana tjetër i ka dhënë mundësinë Presidentit Donald Trump të zgjerojë shumicën konservatore në Gjykatën e Lartë, madje edhe para zgjedhjeve të këtij nëntori, transmeton abcnews.al
Sipas radios publike kombëtare, disa ditë para vdekjes gjykatësja i kishte thënë mbesës së saj, Clara Spera, : “Dëshira ime më e zjarrtë është që të mos zëvendësohem deri kur të zgjidhet presidenti i ri”. s.ba/abcnews.al
