Phoenix Suns ka pësuar humbjen e dytë radhazi dhe të 20-tën këtë edicion në elitën e basketbollit amerikan NBA.
Suns ishin miq të Orlando Magic dhe favorit në letër për të marrë fitoren, megjithatë kanë pësuar humbje me 15 pikë diferencë 113:98.
Edhe pse kishin epërsinë më të lartë me 13 pikë gjatë ndeshjes, Suns në çerekun e fundit ishin skandaloz duke shënuar vetëm 13 pikë, ndërsa vendasit realizuan 31.
Paolo Banchero ishte më efikasi te Orlando Magic me 26 pikë, katër kërcime e shtatë asistime, ndërsa me lojë të mirë u dallua edhe gjermani Moritz Wagner që shtoi 16 pikë e 12 kërcime.
Me pikë dyshifrore te Magic e mbyllen ndeshjen edhe Markelle Fultz me 14 pikë, Franz Wagner 11 dhe Jalen Suggs që shtoi 10 të tjera.
Mysafirëve nuk i mjaftuan as 44 pikët e Devin Booker, pasi basketbollistët tjerë nuk ishin në ditën e tyre më të mirë për ta shpëtuar Suns nga humbja./ h.ll/abcnews.al
