Duke kërkuar mënyra të reja për të mbështetur Ukrainën, NATO planifikon të krijojë një fond që do të mbledhë 100 miliardë euro gjatë pesë viteve, thanë diplomatët për Agjencinë Gjermane të Lajmeve (dpa).
Propozimi i Sekretarit të Përgjithshëm të NATO-s, Jens Stoltenberg për krijimin e këtij fondi do të diskutohet të mërkurën, në një takim të ministrave të jashtëm të Aleancës. Vendimi përfundimtar pritet në samitin e NATO-s që do të mbahet në korrik në Uashington.
NATO is planning military support for Ukraine worth €100 billion ($108 billion) over the next five years, diplomats tell dpa https://t.co/fbV9uoxEL6
— dpa news agency (@dpa_intl) April 2, 2024
Paketa prej 100 miliardë eurosh synon të shpërndajë barrën e mbështetjes për Ukrainën midis aleancës. Për shembull, anëtarët si Gjermania dhe Shtetet e Bashkuara po japin kontribute më të mëdha në lidhje me ekonominë e tyre sesa vendet e tjera.
Sipas diplomatëve, qëllimi i misionit është të bëjë mbështetjen e Ukrainës më pak të varur nga zhvillimet politike në vendet individuale të NATO-s dhe të përhapë më shumë përgjegjësi mes aleancës, gjë që me sa duket lidhet me shqetësimin e shprehur për rizgjedhjen e mundshme të Donald Trump në SHBA./abcnews.al
