Me Lorenzo Insigne që luan sezonin e fundit me skuadrën e Napolit, pasi ka zgjedhur të vazhdojë karrierën e tij futbollistike te Toronto në MLS, skuadra e Luciano Spallettit ka vazhduar me punën për të gjetur një zëvendësues për italianin.
Sipas asaj që transmeton “Corriere dello Sport”, Napoli është vënë në gjurmët e lojtarit shqiptarë, Adnan Januzajt, teksa ky i fundit pritet të largohet nga Real Sociedadi, në fund të sezonit.
Sulmuesi shqiptar nuk ka pranuar rinovimin e kontratës me klubin bask, kontratë e cila skadon në verën e këtij viti. Gjiganti italian Napoli po monitoron situatën e shqiptarit dhe është gati ta transferojë atë në Diego Armando Maradona Stadium.
Të dyja palët kanë filluar edhe kontaktet e para mes tyre për transferimin e lojtarit në Seria A, ku skuadra italiane kërkon të nënshkruaje një parakontratë për të mos rrezikuar te ndonjë surprizë e hidhur në merkaton e verës., ndërsa pritet të behët shok skuadre me Amir Rrahmanin.
26-vjeçari këtë edicion ka zhvilluar 30 ndeshje me Real Sociedad ku ka shënuar katër gola e ka asistuar në tre të tjerë. /f.a/abcnews.al
