Julian Nagelsmann e konsideron Barcelonën si një prej skuadrave që mund të fitojë Champions League. Trajneri i Bayern Munich vlerësoi ekipin e Xavi dhe theksoi se do të zbresin në fushë me më të mirët.
“Xavi dhe skuadra kanë patur kohë për t’u stërvitur dhe ka gjëra të reja. Tani mbrojnë më lart se më parë. Edhe presingu i tyre është më aktiv. Barcelona ka akoma lojtarë të nivelit botëror. Kanë presion për shkak të renditjes dhe duhet të fitojnë, do të bëjnë gjithçka për t’ia arritur.
Nuk bëhet fjalë për t’i eliminuar nga ky turne, por për të marrë tre pikët. Unë i shoh akoma si një nga skuadrat pretendente për të fituar trofeun. Prandaj do të luajmë me më të mirët.
“Goretzka nuk do të luajë nesër sepse është dëmtuar, por ashtu edhe Gnabry. Kundër Barcelonës nuk do të luajnë as Choupo-Moting dhe Kimmich. Lucas Hernandez po bën mirë, por nuk jam i sigurt nëse do të luajë nesër”, përfundoi Nagelsmann. / abcnews.al
