Humbja me përmbysje përballë Chelsea është përjetuar keq tek Arsenali. Jorginho dhe Abraham shënuan dy gola në 10 minutat e fundit të sfidës dhe i dhuruan fitoren në derbi ekipit të Lampard. Dëmtimi i Chambers qëlloi fatal për “Topçinjtë” dhe zëvendësimi i tij me Shkodran Mustafin nuk dha efektin e pritshëm.
Tammy Abraham lëvizi bukur në zonë në minutën e 87-të, la të shtangur mbrojtësin nga Gostivari dhe shënoi golin e fitores. Ish-sulmuesi i njohur i Arsenalit, Ian Wright nuk kursehet ndaj Mustafit dhe ka një këshillë për trajnerin Arteta në deklaratën e dhënë për Match of the Day.
“Mustafi ngriu totalisht përballë Abraham. Arteta nuk mund të bëjë asgjë për të stërvitur një mbrojtës me kaq eksperiencë. Shkodrani futet në kategorinë e lojtarëve që trajneri duhet t’i heqë qafe“, thekson Ian Wright. /abcnews.al
