Nga Leontina Nika
Megjithëse 4 vite më parë, në 100 vjetorin e lindjes u premtua se shkrimtarja e parë shqiptare dhe desidentja Musine Kokalari do jetë e përfshirë në kurrikulat shkollore, kjo ka mbetur thjeshtë një premtim ,sipas stërmbesës së saj Linda Kokalari, e cila bën thirrje që ky premtim te përmbushet si dhuratë në ditën e saj të lindjes.
Lind Kokalari thotë se edhe shtëpia e saj në Gjirokastër, e cila është Monument Kulture e kategorisë së parë është në gjendje të mjerueshme dhe larg realizimit të muzeut, të cilin ajo e ka lënë gati me objekte dhe koncept të qarte, ku ABC i ka xhiruar edhe 4 vite më parë sendet personale dhe artefaktet, të ruajtura me mjaft fanatizëm nga të afërmit.
“Ideja jonë ishte që të ndërtojmë muzeun, në shtëpi në Gjirokastër. Mirëpo, shtëpia është djegur dhe është në gjendje të keqe”, thotë ajo.
Brenda mureve, të afërmit e adhuronin, ndërsa jashtë saj në diktaturë ishte e pamundur të flitej për të
Muzeu Historik Kombëtar në mënyrë simbolike kujtoj ditën e lindjes së Musine Kokalarit, e cila u dënua me 20 vjet heqje lirie në periudhën e komunizmit. /abcnews.al
