Portugalia luan sot ndaj Kroacisë në UEFA Nation League dhe kryefjala e këtij takimi është mungesa e Cristiano Ronaldos. Ylli portugez ka një infeksion në këmbë dhe nuk mund të luajë.
Mbrojtësi kroat, Dejan Lovren, është shumë i lumtur për këtë fakt, pasi sipas tij nuk do t’i duhet të përballet me futbollistin më të mirë në vitet e fundit të historisë së futbollit.
“Flitet për moshë, por harrohen statistikat dhe golat. Cristiano Ronaldo është gjithmonë i rrezikshëm, në moshën 35 vjeç dhe do të jetë edhe në moshën 40 vjeç. Vit pas viti ai tregon se është një makineri.
Prej 15 vitesh është në nivelet më të larta dhe është lojtari më i mirë i historisë së viteve të fundit të futbollit. Megjithatë, Portugalia nuk është vetëm Cristiano Ronaldo, ka shumë lojtarë të mirë”, u shpreh Lovren./abcnews.al
