Loading ...
Në pritje të një mrekullie, një muaj pas shpërthimit tragjik në kryeqytetin libanez.
Ekipet e shpëtimit po kërkojnë nëpër rrënojat e një ndërtese në Beirut, pasi aparaturat e tyre zbuluan një tingull që i ngjan rrahjeve të zemrës, duke shpresuar për të gjetur të mbijetuar.
Sinjali pulsues u zbulua të enjten poshtë rrënojave të një ndërtese që u shemb gjatë shpërthimit të tmerrshëm të portit, shkruan Daily Mail, përcjell abcnews.al.
Ekipi i shpëtimit nga Kili po punon në ndërtesën e shembur pasi raportet e pakonfirmuara lokale thonë se ata kanë zbuluar mundësinë që dikush të jetë gjallë.
Një qen që i përkiste ekipit kilian të kërkimit zbuloi fillimisht diçka, ndërsa ekipi po kalonte nëpër një rrugë në një nga zonat më të goditura.
Ata përdorën pajisjet e zbulimit të audios për sinjale ose rrahje zemre, dhe zbuloi se mund të ishte një impuls prej 18 deri në 19 rrahje në minutë.
Origjina e sinjalit pulsues nuk dihej, por kjo bëri të niseshin kërkimet që ngjallën shpresë.
Është jashtëzakonisht e vështirë që të mbijetuar të gjenden një muaj pas shpërthimit, por një vullnetar kilian, tha se pajisjet e tyre zbuluan shenjë të një njeriu.
Punëtori Francesco Lermonda tha se është e rrallë, por jo e padëgjuar, që dikush të mbijetojë nën rrënoja për një muaj. g.v/abcnews.al
