Jose Mourinho dhe ish-sulmuesi Dimitar Berbatov kanë kaluar një karrierë të njëjtë. Si Mourinho, ashtu dhe Berbatov, kanë qenë pjesë e dy skuadrave, Manchester United dhe Tottenham. Ish-bomberi bullgar foli për emërimin e strategut portugez në krye të Tottenham, duke thënë: “Mourinho do t’i sjellë frymë të re ekipit, do t’i shtrëngojë gjërat dhe lojtarët do të zgjohen e do të dëshmojnë aftësitë e tyre.
Lojtarët e Spurs duhet të jenë të entuziazmuar, sepse do të luajnë për një nga trajnerët më të mirë në botë dhe kjo është një mundësi e shkëlqyer.
Mou po merr përsipër një ekip të shkëlqyeshëm, me lojtarë të jashtëzakonshëm dhe do të jetojë në Londër, qytetin që ai e do. Kështu që për mua, është “martesa” perfekte. Tottenham është një ekip që dëshiron të rritet, të zhvillojë futboll të bukur dhe arrijë te trofetë.
Karriera e tij flet vetë. Me numrin e trofeve që ai ka fituar në Ligën e Kampionëve, Premier League dhe kudo që ka shkelur, ai ka fituar të drejtën të mos kritikohet aspak. Nëse i tregoni Mourinhos respekt, ai do t’ua kthejë dyfish”, përfundoi Berbatov../abcnews.al
