Trajneri i Tottenham Hotspur, Jose Mourinho, vazhdon të bëjë deklarata të bujshme në Angli. Strategu portugez ka folur për Sky Sport, aty ku ka treguar katër ekipet që sipas tij, do të kualifikohen në Champions League.
“Sheffield United do të renditet mes katër më të mirave. Ata nuk duan ta pranojnë, por ky është realiteti, e tregon renditja. Janë vetëm dy pikë larg. Liverpool dhe City dihen, mendoj se dhe Leicester do t’ia dalë në fund. Tottenhami im? E kam thënë, na shihni sezonin tjetër”.
Sheffield ka qenë realisht surpriza e bukur në Premier League këtë sezon, me të besuarit e Chris Wilder që i kanë befasuar të gjithë./abcnews.al
