250,000 familje kanë mbetur pa energji elektrike si pasojë e motit të keq në Greqi, kryesisht në zonat veriore të Atikës.
Shërbimet e Emergjencës bëjnë me dije se janë duke punuar për të përmirësuar problemet. Por reshjet e dendura të dëborës kanë vështirësuar punën grupeve të emergjencës.
Ndërkohë më herët si pasojë e motit të keq ndërprerje të energjisë elektrike janë raportuar në Paleo , Chalandi, Holargos, Agia Paraskevi, por fatmirësisht dëmet në këto zona janë riparuar, shkruajnë mediat e huaja.
Sipas informacionit nga HEDNO , problemet më të mëdha aktualisht ndodhen në zonat e mëposhtme të Atikës:
– Drosia
– Ekali
– Agios Stefanos
– Anoixi
– Papagou
– Pjesë të Kifissia dhe Nea Erithraia
Sakaq sekretari i Përgjithshëm i Mbrojtjes Civile pas një takimi të jashtëzakonshëm me ministrin e Mbrojtjes Civile, Michalis Chrysochoidos, dhe zëvendës ministrin Nikos Hasdalias vendosën koordinimin në zonat të ndryshme për zjarrfikës, ushtrinë si edhe grupeve të emergjencave për të përballuar situatat shqetësuese.
/abcnews.al/
