Mbrëmjen e së mërkurës, në emisionin “Real Story” me gazetarin Sokol Balla u diskutua për Kosovën. Të ftuar ishin juristja Brizida Gjikondi dhe nënkryetari i PD-së, Kreshnik Çollaku, i cili theksoi më herët se ka gjetur pika të përbashkëta mes deklaratës së Foltores dhe PS sa i përket kësaj çështjeje.
“Ju bëtë një deklaratë që ka sens politik, që sipas jush ka pika të përbashkëta midis deklaratës së Foltores dhe qëndrimeve të maxhorancës por a është ky momenti?” Ishte pyetja që i drejtoi gazetari Çollakut, teksa ky i fundit shtoi se ka një marrëveshje mes Rithemelimit dhe PS për interpelancën ndaj Ramës.
Pjesë nga debati:
Çollaku: Nuk është çështja e pikave të përbashkëta. Në këtë panoramën e mosmarrëveshjeve, s’më duket e tillë. Ka një marrëveshje në kryesinë e kuvendit midis përfaqësuesve të Rithemelimit dhe PS. Bashkëdakordësia e tyre ka qenë e plotë për të rrëzuar një kërkesë për interpelancë që në emër të PD kam bërë ku kërkoja thërritjen për interpelancë të kryeministrit për deklaratën lidhur nme KFOR.
Balla: Kjo nuk është hera e parë që ju ziheni me njëri-tjetrin në momentin që shtohen tensionet në Kosovë. Të sqarojmë një herë këtë punë e provokimeve të stilit Sali Berishës që nuk më kanë impresionuar kur m’i ka bërë ai. Imagjino ti që je moshatari. S’më pëlqen që provokon në sekondën e parë që flas me ty.
Çollaku: Po thuaji ju. Kurrë nuk kam sharë njeri në parlament. Thuaji atyre që shajnë. Nuk mund të thuash ju…
Balla: Ti je brenda në atë parlament, unë dua me të nxjerr jashtë. Dalloje këtë. Dua që ti dhe PD…ti rri jashtë asaj.
Çollaku: Nuk më thua mua ju…
Balla: Ti rri jashtë asaj, mos më fol si Sali Berisha sepse do të marrësh përgjigjen që i jap atij. Me mua mos u merr, merru me pyetjen./abcnews.al
