Morata: E ardhmja? Nuk varet nga unë, mirë që kam oferta! Ja ku dua të iki

Alvaro Morata nuk do të qëndrojë te Juventusi, pasi bardhezinjtë nuk janë të gatshëm ta blejnë përfundimisht për 35 milionë euro.

Spanjolli është i detyruar të kthehet tek Atletico Madrid, që duhet të vendosë më pas se çfarë do të bëjë me sulmuesin.

Vetë Morata ka folur në lidhje me të ardhmen e tij dhe thekson që nuk varet nga ai, por i gëzohet faktit që janë disa klube që e duan.

“Kam disa opsione, por nuk varet nga unë. E mira është se po më ndjekin disa klube. Do të doja të shkoja aty ku më duan dhe më vlerësojnë më shumë”, është shprehur Morata. / abcnews.al