Nëse herën e kaluar monologu i Mustafa Nanos në Provokacija u përqëndrua te përfshirja e rreperit Noizy në tekstet shkollore, këtë të premte ai u frymëzua nga kënga e Adriano Çelentanos për t’u dhënë një apel të gjithë tekstshkruesve të këngëve në shqip.
Përmbajtja e këngës së Çelentanos “Djali i rrugës Gluck” (Il ragazzo della via Gluck) flet për jetën e tij, vendlindjen e tij në fshat ku u rrit dhe jetoi atje, derisa mori vendimin për të shkuar në qytet.
“U thotë shokëve që fatlumët jeni ju jo unë. Në qendër do më duhet të thith çimento jo gjelbërim do të thotë Çelentano”– komenton Nano një pjesë të këngës së tij.
Dhe këtu ai apelon për gjelbërim leksikor në gjuhën shqipe. “Ka nevojë për gjelbërim leksikor në gjuhën shqipe”.
Më tej vazhdon Nano, kur Çelentano kthehet në rrugën Gluck dhe në vend të shokëve ai pa beton, beton.
“Kthehet në rrugën Gluck dhe në vend të shokëve ai pa beton, beton. Atje ku ishte një lëndinë e bukur sot është një qyet i madh, pse këta njerëz vazhdojnë të mbjellin beton”.
Nano apelon që edhe këngëtarët shqiptarë të bëjnë tekste të tilla, të shqetësimit të përbashkët, dhe të kërkojnë ndihmën e poetëve e shkrimtarëve, ashtu sikurse Çelentano nuk i bëri vetë tekstet e tij.
“Unë nuk kërkoj që këngëtarët shqiptarë të bëjnë tekste të tilla, por ata kanë të drejtë të këndojnë për shqetësimin e përbashkët. Duhet të kërkojnë ndihmën e poetëve e shkrimtarëve për tekstet, se Çelentano nuk e bëri vetë tekstin”./abcnews.al
