Një 38-vjeçar ukrainas u vra në mënyrë tragjike, kur i kërkoi gruas së tij të filmonte zhytjen e tij në ujërat e ngrirë të një lumi dhe më pas u mbyt para saj.
Sipas Daily Mail, njeriu fatkeq i quajtur Aleksandër u zhyt në ujërat e akullta të lumit Tsortomlik më 5 shkurt, pasi i kishte kërkuar gruas të filmonte.
Fatkeqësisht, burri u rrëmbye pothuajse menjëherë nga rrymat e shpejta, u bllokua nën sipërfaqen e akullt të lumit dhe nuk doli më i gjallë.
Pas një kërkimi të gjatë dhe të mundimshëm, zhytësit gjetën trupin e pajetë të Aleksandrit në një thellësi prej 4 metrash të nesërmen.
Në dialogun që zhvillohet mes çiftit para tragjedisë, gruaja dëgjohet të pyesë bashkëshortin nëse ka frikë dhe nëse është i ftohtë, ku të dyja pyetjeve u përgjigjet negativisht.
Më pas 38-vjeçari heq këmishën, tregon muskujt dhe bën kryqin, teksa gruaja e tij përsërit se ka ftohtë dhe shpreh frikën se mos sëmuret.
Kur burri më në fund zhytet në lumë, brenda pak çastesh fundoset dhe zhduket nën ujërat e turbullta. Në një gjendje të çmendur gruaja pyet se çfarë të bëjë dhe përpiqet të kuptojë se çfarë ka ndodhur./abcnews.al
