Presidentja e Moldavisë Maia Sandu bëri thirrje sot për mbështetje ushtarake nga Perëndimi, pas zbulimeve në lidhje me një plan për destabilizimin e ish-republikës sovjetike, të hartuar nga Rusia.
Moldavia ka pësuar vazhdimisht “sulme hibride” nga Rusia dhe është përballur me “përpjekje që synojnë destabilizimin” e vendit, u tha presidentja Sandu gazetarëve në Bukuresht. Ajo theksoi se Moldavia aspiron të marrë sisteme armësh nga Perëndimi dhe mbështetje ushtarake.
“Ne duhet të përmirësojmë aftësitë tona në fushën e Mbrojtjes. Sigurisht që kemi nevojë për ndihmë dhe sigurisht që po flasim me partnerët tanë për këtë çështje”, tha Sandou.
Presidentja e Moldavisë udhëtoi në Bukuresht për konsultime me presidentin rumun Klaus Iohannis dhe kancelarin gjerman Olaf Scholz, të cilët e siguruan atë se Perëndimi do të mbështeste financiarisht Kishinau-n. /abcnews.al
