Një modele pretendon se është dëbuar nga Vatikani për shkak se ishte shumë seksi ndërsa mbante veshur një fustan të shkurtër dhe çizme të gjata. Juju Vieira nga Brazili , ishte në një udhëtim në Bazilikën e Shën Pjetrit në zemër të qytetit të shenjtë më 30 janar.
Modelja pohon se i kërkuan të largohej pasi nuk ishte veshur siç duhet por ajo këmbëngul se nuk ishte ekzagjeruar. Vatikani ka një kod të rreptë të veshjes si për burrat ashtu edhe për gratë, i cili përfshin mbulimin e shpatullave dhe gjunjëve, dhe Juju ishte në kundërshtim me rregullat me fustanin e saj të shkurtër.
“Një zotëri që punonte atje mu afrua dhe më tha se vendi ishte për lutje dhe se nuk isha veshur siç duhet. U turpërova sepse kishte njerëz të tjerë që e dëgjuan këtë. U ndjeva e parespektuar.”, tha ajo. Juju thotë se nuk ishte në dijeni të kodit përpara se të shkonte dhe se ishte veshur si zakonisht për një ditë normale.
/abcnews.al
