Prizreni është kthyer në një qytet të dytë për qytetarët në Kukës.
Afërsia mes tyre, e bën Prizrenin shumë të aksesueshëm ndaj dhe qytetarët e Kukësit, se fundmi marrin edhe shërbimin spitalor.
“ Kemi ofruar të gjitha shërbimet e nevojshme. Kemi 15 pacientë që janë duke u trajtuar, 9 prej tyre janë me Covid. Kemi edhe 6 pacientë të tjerë që nuk janë me Covid, por me patologji të ndryshme. Pra pacientët e Republikës së Shqipërisë vazhdojnë të trajtohen njësoj”, thotë ai.
Drejtori i Spitalit të përgjithshëm në Prizren, Afrim Avdiaj thotë se ndjehet i privilegjuar që u shërben qytetarëve të Kukësit e kjo është me e pakta që mund të bëjë, duke rikthyer në kujtesë ngjarjet në Kosovë të vitit 1999.
Prej disa vitesh në Spitalin e Prizrenit, trajtohen edhe të sëmurët me hemodialize.
Janë 14 persona të Kukësit që udhëtojnë tre herë në javë në Prizren pranë spitalit të përgjithshëm, i cili ka një shërbim modern hemodialize dhe dy salla me kapacitet 230 aparatura.
/abcnews.al/
