Një aksident i shumëfishtë ndodhi mëngjesin e sotëm në Kinë, ku rreth 400 makina janë përplasur me njëra-tjetren.
Ngjarja ka ndodhur në një urë në Kinë, pranë qytetit të Zhengzhou.
Sipas kanalit shtetëror CCTV të Kinës, si pasojë e aksidentit humbi jetën vetëm një person. Shkak i kësaj ngjarje mbetet dukshmëria e ulët për shkak të mjegullës në urë.
Videot e postuara në rrjetet sociale tregojnë kamionë dhe makina të kthyera përmbys, me xhama të thyer, njëra sipër tjetrës.
There was a huge pileup involving 400+ vehicles on Zhengxin Huanghe Bridge (郑新黄河大桥) — which connects Henan’s Zhengzhou and Xinxiang across the Yellow River — due to dense fog and icy road surface at around 10am Dec 28 morning…
1/n pic.twitter.com/o921ESRQ1m
— Byron Wan (@Byron_Wan) December 28, 2022
Siç raporton Reuters, shumë prej të plagosurve janë bllokuar në automjetet e tyre, ndërsa në vendngjarje ndodhen 66 zjarrfikës me 11 automjete.
Meteorologët kinezë shpjeguan se dukshmëria mëngjesin e së mërkurës në këtë zonë ka qenë nën 500 metra, ndërsa në disa raste ka rënë edhe në nivelet 200 metra.
Bllokimi i trafikut ka ndodhur në të dy anët e urës, e cila është një nga pikat kryesore të kalimit mbi lumin e Verdhë, ku policia rrugore ka ndaluar qarkullimin pas aksidentit. /abcnews.al
