Kryeministri grek Kyriakos Mitsotakis e ka vlerësuar si hap pozitiv kthimi e nisjes turke “Oruc Reis” në Antalia.
“Kthimi i ‘Oruc Reis’ është hapi i parë pozitiv. Shpresoj që të ketë vazhdimësi në këtë aspekt. Ne duam të bisedojmë me Turqinë, por në një klimë ku nuk do të ketë provokime”, tha para mediave në Selanik, kryeministri grek, Mitsotakis.
“Nëse shohim shembuj të shkruar në këtë drejtim, Greqia është gjithmonë e gatshme dhe pse jo të fillojë një raund të ri të kontakteve eksploruese së shpejti. Greqia është gjithmonë e gatshme të ulet në tryezë për një dhe të vetmin ndryshim”, nënvizoi Kryeministri, duke deklaruar se ai është i gatshëm të fillojë së pari dialogun.
Në të njëjtën kohë, ai shtoi se është zgjedhja e tij të mos sulmojë verbalisht Erdoganin, shkruan abcnews.al.
“Për këtë qeveri, deti ka kufij, kufijtë duhet të ruhen sepse ruajtja është një ushtrim i sovranitetit kombëtar,” sqaroi Kryeministri.
Tensionet mes Athinës dhe Ankarasë u përkeqësuan, pasi Turqia rinisi kërkimet për gaz dhe naftë jashtë ishullit grek Kastellorizo.
Turqia dërgoi anijen kërkimore “Oruc Reis” të shoqëruar nga anijet ushtarake, duke bërë që Greqia të dërgonte anijet e veta në zonë për të monitoruar punën e Turqisë. g.v/abcnews.al
