Autoritetet meksikane kanë gjetur 45 çanta me eshtra njerëzore në një luginë, gjatë kërkimeve për 7 të rinjt dhe gratë që u zhdukën 10 ditë më parë.
Mediat e huaja shkruajnë se qeset janë gjetur në një luginë në shtetin meksikan perëndimor të Jalisco.
“Dyzet e pesë çanta me eshtra njerëzore, të cilat i përkisnin burrave dhe grave”, tha zyra e prokurorit të shtetit në një deklaratë për shtyp.
Gjetja e tyre është bërë në momentin kur autoritetet po kërkonin për 5 burra dhe dy gra të zhdukura të cilët punonin në të njëjtën call center. Vendndodhja ku punonin të zhdukurit është jo shumë larg zonës ku u gjetën mbetjet njerëzore.
Sipas të dhënave të para të hetimit, call center ishte përfshirë në veprimtari të paligjshme. Vitet e fundit, mbetje njerëzore janë gjetur në çanta apo varre sekrete në zona të ndryshme të shtetit të Jalisco.
Në vitin 2021, rreth 70 çanta që përmbanin eshtrat e njëmbëdhjetë njerëzve u gjetën në Tonala, afër Guadalajara.
Ndërkaq kujtojmë se Meksika ka regjistruar më shumë se 340,000 vrasje dhe rreth 100,000 “zhdukje “, shumica e të cilave autoritetet ia atribuojnë bandave, që nga e ashtuquajtura “lufta kundër drogës”, operacioni i diskutueshëm i autoriteteve kundër karteleve./abcnews.al
