Kandidati për kryeministër rus, Mikhail Mishustin tha këtë të premte se Rusia nuk ka ndërmend të kufizojë punën e kompanive të huaja në tregun e saj, pavarësisht sanksioneve perëndimore kundër Moskës.
Duke paraqitur programin e tij në parlament, Mishustin u shpreh se qeveria nuk planifikon kufizime në operacionet e kompanive ruse jashtë vendit.
Presidenti rus Vladimir Putin propozoi që Mishustin të mbetet në krye të qeverisë.
Kush është Mikhail Mishustin?
Mikhail Mishustin u bë kryeministër për herë të parë në janar 2020 pasi Dmitry Medvedev njoftoi dorëheqjen e qeverisë më 15 janar 2020, tre orë pas fjalimit të Putinit në Asamblenë Federale.
Putin, në të njëjtën ditë propozoi Mishustin, i cili në atë kohë ishte kreu i Shërbimit Federal të Taksave (nga 2010 deri në 2020), për postin e kryeministrit.
Mishustin ishte në krye të qeverisë në fillim të pandemisë së koronavirusit. Sipas Putin, puna e qeverisë dha një “rezultat të kënaqshëm si për luftën kundër koronavirusit ashtu edhe për ekonominë“.
Pas fillimit të pushtimit në shkallë të plotë të Ukrainës në shkurt 2022, autoritetet “përgjithësisht me sukses” kapërcejnë sfidat e reja, vuri në dukje Putin më 6 maj, duke përmbledhur rezultatet e punës përpara formimit të Kabinetit të ri të Ministrave.
Para Shërbimit Federal të Taksave, Mishustin ka qenë zëvendësministër për tatimet dhe doganat, ka qenë kreu i Agjencisë Federale të Kadastrës së Pasurive të Paluajtshme, më pas Agjencia Federale për Menaxhimin e Zonave të Veçanta Ekonomike, prej nga ka nisur një biznes privat, duke u bërë presidenti i UFG Invest, një kompani ruse administruese./abcnews.al
