Ka qenë në qendër të vëmendjes këto kohë.
Mirlind Daku ka qenë shënjestër e klubeve të rëndësishëm të Premier Ligës ruse si Spartak I Moskës dhe Krasnodar, por tek Rubini e mbyllën derën.
Vetë babai i Dakut, Fehmi Daku, ka deklaruar për mediat ruse se klubi nga Kazani ka vendosur që sulmuesi I kombëtares shqiptare të mos largohet këtë sezon.
Kjo, edhe pse mediat ruse kanë shkruar se Spartaku moskovit dhe Krasnodari mund të japin 10 milionë euro për kartonin e futbollistit.
Trajneri Rahimov e konsideron Dakun si shtyllën e skuadrës, dhe si njeriun e domosdoshëm në një sezon që pritet të jetë I vështirë.
Jo më kot lojtari 26-vjeçar ka shënuar 5 gola e ka shërbyer 3 asiste në 7 ndeshje të Premier Ligës ruse, ndërsa humbja pikërisht me Spartakun tregoi se klubi nga Republika autonome e Tatarstanit nuk do ta ketë të lehtë mbijetesën në elitën e futbollit rus.
Për momentin, ekipi I Dakut është në mesin e renditjes, në vendin e 8-të, por jo larg zonës që të zbret nga kategoria.
Sulmuesi ka qenë I lënduar dhe Rahimov I ka dhënë një ditë më shumë pushim sesa lojtarët e tjerë, ndërsa mbetet në dyshim për ndeshjen e kësaj të premteje ndaj Krilia Sovjetovit.
Sezonin e kaluar, Daku shënoi 10 gola e shërbeu 4 asistë, duke qenë një nga lojtarët më të mirë të Premier Ligës ruse./abcnews.al
