Ministri Zemaj: Situata me COVID-19 të mos përdoret politikisht

schedule17:19 - 31 Korrik, 2020

schedule 17:19 - 31 Korrik, 2020

Ministri i Shëndetësisë, Armend Zemaj, këtë të premte ka zhvilluar një vizitë në spitalin rajonal të Gjakovës, ku ka shprehur mirënjohjen për personelin mjekësor, i cili edhe sot në ditën e festës së Kurban Bajramit po vazhdon punën me shumë përkushtim.

Zemaj në fjalën e tij ka bërë apel që situata e krijuar nga koronavirus të mos përdoret politikisht dhe të mos manipulohet me numrin e vdekjeve.

Dje, në komunën e Gjakovës, fatkeqësisht janë shënuar 3 viktima, familjeve të të cilave u shpreh ngushëllimet më të sinqerta. Në mesin e të vdekurve ishte edhe mjeku dhe anëtari i Kuvendit të Odës së Mjekëve të Kosovës, z. Kujtim Zarari. Të gjitha humbjet janë të dhimbshme, por kur humbin njerëzit e vijës së parë në front, dobësohet i gjithë sistemi që po lufton çdo ditë për të na shpëtuar. Që ky sistem të mos rëndohet, bëj thirrje që të ketë kujdes të shtuar dhe gjithashtu apeloj që kjo situatë të mos përdoret politikisht dhe të mos manipulohet me numrin e vdekjeve. Beteja jonë politike nuk duhet të bëhet në situatë të tillë fragjile. Në anën tjetër, edhe njëherë falënderoj të gjithë qytetarët që edhe sot po tregojnë mirëkuptim dhe përmbajtje”, shkruan Zemaj.

Ndryshe, dje në komunën e Gjakovës janë shënuar 3 viktima, në e tyre edhe mjeku, Kujtim Zarari, familjeve të të cilëve ministri Zemaj iu shprehu ngushëllime./abcnews.al