Ministri i Arsimit në Madagaskar është shkarkuar nga posti pasi kishte planifikuar të porosiste lëpirëse me vlerë 2 milionë dollarë për nxënësit e shkollave.
Kreu i sistemit arsimor, Rijasoa Andriamanana deklaronte se çdo fëmije do t’i jepeshin tre lëpirëse për të hequr shijen e hidhur të një ilaçi bimor që shumë vende afrikane po e përdorin si mjekim kundër koronavirusit, raporton BBC.
Ky plan u anulua pas kundërshtimit nga presidenti Andry Rajoelina, i cili po e promovon lëngun tonik Covid-Organics për të kuruar koronavirusin.
Shumë vende afrikane vijojnë importimin e këtij lëngu bimor duke besuar në vetitë e tij kundra virusit, megjithëse Organizata Botërore e Shëndetësisë ka paralajmëruar se nuk ka prova se ai ka efekte kundër Covid-19./abcnews.al
