Ministri i Jashtëm në Serbi Iviça Daçiç, ka zhvilluar një takim me shefin e ri të zyrës së Këshillit të Europës në Beograd.
Gjatë këtij takimi ai ka ritheksuar edhe njëherë qëndrimin kundër të Serbisë lidhur me anëtarësimin e Kosovës në Këshillin e Europës. Daçiç e ka cilësuar si të papranueshme këtë kërkesë.
“Qëndrimi ynë është se kërkesa e Kosovës për anëtarësim në Këshillin e Europës është e papranueshme. Shpreh mirënjohje për vendet që kuptojnë qëndrimin e Serbisë”, thuhet në një deklaratë zyrtare të Ministrisë së Jashtme serbe.
Më tej ai u shpreh se Serbia është e përkushtuar dhe këmbëngulëse në zbatimin e vlerave të kësaj organizate.
/abcnews.al/
