Ministri i Jashtëm kinez Wang Yi ka përsëritur qëndrimin e Pekinit ndaj vizitës së kryetares së Dhomës së Përfaqësuesve të SHBA, Nancy Pelosi në Tajvan, duke e quajtur atë “maniake, të papërgjegjshme dhe shumë irracionale”.
Duke folur në takimin e Ministrave të Jashtëm të Shoqatës së Kombeve të Azisë Juglindore (ASEAN) në Kamboxhia, ai tha se Kina kishte bërë përpjekjet maksimale diplomatike për të shmangur një krizë, por se nuk do të lejonte kurrë që të cenoheshin interesat e saj thelbësore.
Por të tjerët në të njëjtin takim kërkuan përmbajtje.
“Nuk ka asnjë justifikim për të përdorur një vizitë si pretekst për aktivitet ushtarak agresiv në ngushticën e Tajvanit. Është normale dhe rutinë që ligjvënësit nga vendet tona të udhëtojnë ndërkombëtarisht,” tha shefi i politikës së jashtme të BE, Josep Borrell.
“Shpresojmë që të ndodhë de-përshkallëzimi dhe normaliteti të kthehet në ngushticën e Tajvanit,” u tha gazetarëve Kung Phoak, zëvendësministri i Jashtëm i Kamboxhias./Abcnews.al/
