Një zyrtar i lartë rus, i cili është sanksionuar nga Perëndimi për shkak të luftës së Moskës kundër Ukrainës, vizitoi Arabinë Sauditetë martën dhe zhvilloi bisedime me homologun e tij.
Vizita e Ministrit të Brendshëm rus Vladimir Kolokoltsev në Riad erdhi disa ditë pasi Zelensky mbajti një fjalim në samitin e Ligës Arabe në Jeddah. Vizitat nënvizojnë se si mbretëria dhe shtetet arabe të Gjirit kanë ruajtur marrëdhëniet e tyre me Moskën në mes të luftës në Ukrainë.
Sipas mediave, Kolokoltsev u takua me ministrin e brendshëm saudit, Princin Abdulaziz bin Saud.
“Gjatë sesionit, ata diskutuan mënyrat për të përmirësuar shtigjet e bashkëpunimit të sigurisë midis ministrive të brendshme të dy vendeve, përveç diskutimit të një numri çështjesh me interes të përbashkët,” thuhet në raport.
/abcnews.al
