Ministri gjerman i Shëndetësisë, Jens Spahn tha se ishte kundër lehtësimit të masave kufizuese për njerëzit e vaksinuar kundër koronavirusit.
Sipas planit kombëtar të vaksinimit të miratuar më 18 dhjetor, të parët në radhë për imunizimin janë personat mbi moshën 80 vjeçare dhe punonjësit e kujdesit shëndetësor për të moshuarit, si dhe personeli mjekësor nga departamenti i kujdesit intensiv dhe urgjencës.
Sipas tij, gjermanët kanë treguar solidaritet me njeri-tjetrin për sa i përket masave të marra kundër Covid-19 dhe në muajt në vijim do të bëjnë të njëjtën gjë, derisa të gjithë të vaksinohen.
Në fillim të dhjetorit, kancelarja gjermane Angela Merkel tha se autoritetet ranë dakord të shtrëngonin masat për mbajtjen në kontroll të koronavirusit para pushimeve të Krishtlindjeve deri më 10 janar./abcnews.al
