Në cilësinë e kryetarit të radhës në OSBE, kryeministri Edi Rama ka marrë fjalën në nisje të Ministeriali të kësaj organizate.
Rama përmes një postimi në rrjetin social Facebook, shkruan se ky ishte një vit i vështirë për të gjithë ishte një debutim absolutisht dinjitoz i Shqipërisë në krye të OSBE.
Në fjalën e tij shefi i qeverisë është shprehur se ky ishte një vit sfidues sidomos për përhapjen e Covid 19 ku kanë humbur jetën miliona njerëz, ndërkohë ka theksuar dhe zhvillimet më të fundit në disa vende të botës.
Duke iu referuar konflikteve si në Bjellorusi dhe Ukrainë, Rama foli për përçarje dhe kërkoi që të lihet pas krahëve qëndrimi i luftës së ftohtë.
“Shqipëria mori kryesinë e OSBE në janar të gjithë folën për një organizatë që ishte në vështirësi. Duke u ulur tani mund të konfirmoj atë që ç’ka paraardhësit e mi kanë ndjerë. Jemi në krizë, në krizë në përkeqësim. Kjo nuk është situate që është krijuar nga organizata. Ne do ta shohim në sy krizen , kjo gjendje është shkaktuar nga ne, nga 57 vende të BE. Ky vizion po largohet nga ne pasi parimet tona nuk po respektohen sepse divergjenca po rriten. Përballja zgjidhet përmbi bashkëbisedimit, kjo duhet të na shqetësoje të gjithëve. Kemi dështuar të trajtojmë dobësitë tona, sfidat nga terrorizmi, nga klima.
Supozohet të kishim një vizion të përbashkët për një Evropë demokratike të paqtë dhe të bashkuar. Ky vizion po largohet gjithmonë e më shumë sepse parimet dhe angazhimet tona nuk zbatohen, divergjencat në pikëpamjet tona po rriten. përballja zgjidhet përmbi bashkëbisedimin, përçarja përmbi bashkëpunimin. Kjo duhet të na shqetësojë të gjithëve.
Jam i shqetësuar nga kriza e përhershme e bashkëpunimit, kemi dështuar të trajtojmë dobësitë tona. Bëj thirrje për një bashkëpunim por këto kanë rënë në vesh të shurdhët. Më duhet ta them këtë, o e keni përzemër këtë organizatë ose jo. Ose doni të promovoni median e lirë, ose nuk doni. Është kaq e thjeshtë, organizata jonë është po kaq e fortë sa angazhimet e saj dhe vullneti për t’i zbatuar këto angazhime. Nëse vullneti mungon si sot, atëherë do të jemi në vështirësi për të dalë nga krizat që na sjellin krizat. Shihni se çfarë ka ndodhur në Bjellorusi dhe si krejt papritur OSBE-ja mbeti si një instrument i fundit, ndërkohë që megastrukturat e tjera dukeshin të padobishme. Është mjaft e trishtueshme, por ajo që ndodh jashtë BE-se ngre barrikadat mes vendeve të BE-së dhe Rusisë. Shqetësimet e njerëzve të zakonshëm bien në rrezik de fakto. Kjo duhet të ndryshojë, sa më shpejt aq më mirë. Organizata jonë nuk mund të punojë nëse qëndrimi i luftës së ftohtë lihet pas krahëve njëherë e përgjithmonë. Duhet thënë e duhet diskutuar. në asnjë hapësirë tjetër, përveç se kësaj hapësire të OSBE-së kjo mund të diskutohet dhe me hspresë të ndodhë. Asnjë organizatë më shumë se sa kjo nuk mund të përballet me sfidën e bashkimit.
Ky ka qenë një vit veçanërisht sprovues për OSBE-në. Pasojat e COVID-it kanë prekur të gjitha fushat. Mbetet një situatë e papranueshme duke pasur parasysh angazhimet tona.
Marrëveshjet e Minskut, 7 vjet më pas jetë vazhdojnë të humbasin. Në vizitën time si kryetar i radhës së OSBE-së pashë se si konflikti kishte prekur popullsinë. Shkelje të armëpushimit në terren, viktima nga shpërthimi i minave. Situata shqetësuese. për të ardhur keq që palët nuk kanë arritur të bëjnë përparime të tjera në kuadër të marrëveshjes së Minskut. Largimi nga marrëveshjet e Minskut nuk është zgjidhja”, është shprehur Rama.
Ndër të tjera kryeministri është shprehur se Shqipërisë i është dashur që të drejtojë anijen në kohë të vështirë.
“Shqipëria i është dashur që ta drejtojë anijen e OSBE-së në kohë të trazuara dhe ka qenë pak dhe plotësimi i vendeve bosh në organizatën tonë. Ka nevojë për drejtues të aftë. Le ta përdorim Tiranën si një mundësi për të kthyer fletë për të dalë nga kriza aktuale e bashkëpunimit dhe për të arritur një organizatë që realizon angazhimet e veta për secilin vend”, deklaroi Rama./abcnews.al
