Princi Harry dhe Meghan Markle kanë pushtuar sërish titujt e mediave ndërkombëtare javët e fundit me publikimin e dokumentarit të tyre në Netflix “Harry & Meghan”. Duka dhe Dukesha e Sussex hapën shtëpinë e tyre në Montecito dhe ndanë momente lumturie familjare me dy fëmijët e tyre, Archie dhe Lilybet. Ata folën për luftën me të cilën u përballën nga tabloidët britanikë, dërguan “thumba” kundër pallatit dhe, natyrisht, iu referuan vendimit të tyre për t’u larguar nga detyrat e tyre mbretërore.
Princi Harry u bë emocional në disa pika të dokumentarit, por nuk e humbi kurrë qetësinë. Por një mik i çiftit mbretëror, ai hodhi dritë mbi një aspekt të panjohur të karakterit të Dukës së Sussex. Misan Harriman është shumë i afërt me çiftin dhe në momentet e tyre të rëndësishme. Ai ishte i pranishëm në njoftimin e dytë të shtatzënisë së Meghan si dhe ditëlindjen e parë të Lilybet në Mbretërinë e Bashkuar.
Të martën, përmes llogarisë së tij personale në Instagram, ai ka shpërndarë një foto të Princit Harry duke qarë. “Një moment i veçantë në fillim të këtij viti. Një moment unik i ndeshjes Invictus midis lojtarit të ekipit britanik Tony Young dhe Princit Harry. Princi u prek dukshëm, ashtu si të gjithë spektatorët në stadium”./abcnews.al
