Zac Efron ka qenë në fokus të kritikave ditët e fundit pasi nxiti thashethemet se ka bërë ndërhyrje kirurgjikale në fytyrë. Aktori i njohur dukej më i fryrë se zakonisht në fytyrë dhe buzë, dhe për këtë arsye shumë prej fansave shprehën habi me transformimin drastik të tij.
Së fundmi, Kyle Sandilands, një nga miqtë më të ngushtë të aktorit, ka shuar debatin duke thënë se nuk ka asnjë mundësi që ylli i “Baywatch” të ketë bërë ndërhyrje fshehurazi. “Unë do ta dija nëse do të kishte bërë ndonjë operacion plastik”, tha ai gjatë një interviste.
Sandilands gjithashtu konfirmoi lajmin se Efron dhe e dashura e tij, Vanessa Valladares ishin ndarë. Efron ende nuk iu është përgjigjur thashethemeve se ka bërë operacion plastik. Së shpejti, ai do të fillojë të punojë për filmin e tij të ardhshëm, “Firestarter”, me Anne Hathaway në Toronto./abcnews.al
