Forcat ruse po vazhdojnë të bombardojnë fabrikën e hekurit dhe çelikut Azovstal, sipas Petro Andryushchenko, këshilltar i kryetarit të qytetit të rrethuar ukrainas të Mariupolit.
Frika po rritet për mijëra civilë të ngujuar në fabrikën e çelikut të Mariupolit. Aty ndodhet edhe kontingjenti i fundit i ushtarëve ukrainas.
Presidenti rus, Vladimir Putin, urdhëroi dje forcat e tij që të mos sulmojnë kompleksin e fabrikës pasi ministri i tij i mbrojtjes, Sergei Shoigu, pranoi se ushtria ruse po luftonte ende atje me mijëra ushtarë ukrainas.
Sipas zyrtarëve lokalë, midis 300 dhe 1,000 njerëz, përfshirë gra dhe fëmijë, janë ende të bllokuar në fabrikën e çelikut.
“Çdo ditë ata hedhin disa bomba në Azovstal. Luftimet, granatimet, bombardimet nuk ndalen”, tha Andryushchenko për Associated Press. /abcnews.al
