Deputeti Izet Mexhiti është shprehur ditën e sotme, sa i përket formimit të qeverisë së re, se Bashkimi Demokratik për Integrim është një parti me traditë ku kultivohet debati.
Megjithatë, sipas tij, fjala e fundit i takon liderit të partisë, Ali Ahmetit.
Mexhiti konfirmoi se do të japë sërish kontributin e tij për një qeveri që ka bekimin e partnerëve si SHBA dhe Bashkimi Evropian.
Për deputetin e BDI-së është vlerë demokratike “që të luftosh deri në fund për qëndrimet e tua por, shtoi ai, më tej mbisundojnë qëndrimet e shumicës kur të sillen dhe duhet të respektohen.
Po ashtu, Mexhiti deklaroi se do ta votojë qeverinë e re të Maqedonisë së Veriut. /abcnews.al/
