Kreu i Partisë së Lirisë, Ilir Meta ka denoncuar sërish aferën e inceneratorëve, këtë herë me një video të publikuar nga djegia e plehrave në zonën e Shijakut. Meta shkruan se bashkia djeg tonelata me plehra duke helmuar banorët.
Sipas kreut të PL, kjo ndodh pasi paratë e inceneratorëve vidhen nga grupi i strukturuar kriminal, siç e quan ai.
“Nuk ka rënë bombë atomike, por thjesht Bashkia e Rilindjes në Shijak djeg tonelata me plehra duke helmuar banorët dhe bërë krime mjedisore.
Normal, se lekët e inceneratorëve vidhen nga grupi i strukturuar kriminal, ndërsa banorët terrorizohen që të mos protestojnë”, shkruan Meta krahas videos së publikuar.
/abcnews.al
