Aksioni i fundit i Policisë së Shtetit për kapjen e 613 kg kokainë në Portin e Durrësit është përshëndetur nga Presidenti i Republikës Ilir Meta.
Kreu i shtetit ka theksuar se rreziku kryesor që i vjen sigurisë kombëtare të vendit nga fuqizimi i krimit të organizuar dhe trafikut të drogës, kërkon thellim të mëtejshëm dhe intensifikim të bashkëpunimit të agjencive ligjzbatuese me partnerët ndërkombëtarë.Për presidentin e Republikës është domosdoshmëri rritja e kapaciteteve për forcimin e sigurisë së kufijve të vendit, veçanërisht të pikave të kalimit kufitar dhe inkurajon pastrimin e Policisë së Shtetit dhe gjithë agjencive ligjzbatuese nga elementët e inkriminuar./abcnews.al
