Presidenti Ilir Meta ka deklaruar sot se loja me maska për Reformën në Drejtësi ka mbaruar.
Ai ka theksuar se në takimin e një ditë me parë e ambasadorët i ka informuar ato në lidhje me paligjshmëritë e Teatrit, dhe siç është i gatshëm të kërkojë hetim për të do të kërkojë hetim dhe për ecurinë e Reformës në Drejtësi.
Lexo edhe: Meta i përgjigjet ambasadores Kim: Aktorët politike duhet të lënë mënjanë lojërat me reformën
Meta tha se nga tensionet për Reformën, përfiton vetëm një njeri, që sipas tij është fabrika më e madhe e thashethemeve.
“I informova partnerët ndërkombëtarë në lidhje me paligjshmëritë e Teatrit. Siç jam gati të përballem për hetimin ndërkombëtar për Teatrin, jam i gatshëm që tu kërkoj ndërkombëtarëve edhe hetim në lidhje me ecurinë e Reformës në Drejtësi. I kam veprimet e mia të mirëdokumentura. Maskat e Reformës kanë rënë. Ata s’duan të mbajnë sot asnjë informacion. Nga kjo përfiton vetëm 1 njeri, që është fabrika më e madhe e thashethemeve në Shqipëri”, ka thënë Meta./abcnews.al
