Kapiteni i Barcelonës, Lionel Messi, pritet të vendosë një rekord të ri në ndeshjen e sotme kundër Cadiz. Argjentinasi numëron deri tani 505 ndeshje në La Liga, po aq sa ka edhe legjenda katalanase, Xavi.
33-vjeçari do ta nisë ndeshjen si titullar dhe do të jetë ndeshja e 506 e tij në kampionatin spanjoll dhe do të renditet në vendin e nëntë në listën e lojtarëve që kanë më shumë paraqitje. Ndërkohë, “Pleshti” mund të kalojë edhe kapitenin e Real Madrid, Sergio Ramos, në renditje sepse ai është ndalur në kuotën e 507 ndeshjeve.
Spanjolli sapo është operuar në gju dhe pritet të rikthehet në fushë në muajin prill. Në rast se Messi do të vazhdojë të luajë rregullisht, atëherë me shumë mundësi do ta kalojë Ramosin në fundin e sezonit. Në lojtarët që luajën akoma është edhe ylli i Real Betis, Joaquin, i cili numëron plot 567 ndeshje në La Liga. /abcnews.al
