Lionel Messi ka mendura të bëjë rolin e “shkesit” mes drejtuesve të PSG-së dhe talentit argjentinas. Ish-sulmuesi i Barcelonës i ka propozuar drejtuesve të skuadrës franceze, lojtarin 17-vjeçar të Lazios.
Bëhet fjalë për Luka Romero, i cili këtë sezon me skuadrën italiane ka qenë një nga surprizat e Seria A.
Sulmuesi argjentinas 17-vjeçar iu bashkua “Biancocelestive” si transferim i lirë verën e kaluar nga RCD Mallorca, me klubin romak që pagoi vetëm 200,000 euro për trajnimet e tij.
Romero pati debutimin e tij në ekipin e parë në fitoren 6-1 të Lazios ndaj Spezias në gusht dhe ai ka mbetur anëtar i skuadrës së lartë që atëherë, duke u stërvitur me ta çdo ditë në Formello.
Adoleshenti argjentinas është i njohur për këmbët e tij tepër të shpejta, aftësinë e tij teknike dhe vizionin e tij të fortë, duke e bërë atë një lojtar perspektivë dhe jashtëzakonisht emocionuese për “Biancocelestët”. Lazio po kërkojnë ta lidhin atë me një marrëveshje pesëvjeçare pasi të mbushë 18 vjeç në nëntor.
Romero u thirr nga Lionel Scaloni për ekipin e parë të Argjentinës në pushimin e fundit dhe u stërvit përkrah Leo Messit, i cili u impresionua shpejt nga adoleshenti, ndërsa mendoi që PSG-në ta vendoste në dijeni për talentin e 17-vjeçarit. /f.a/abcnews.al
