Milionat mungojnë, pandemia ka shkaktuar probleme ekonomike në çdo klub dhe Real Madrid do të kryejë një merkato të kujdesshme këtë verë.
Carlo Ancelotti kërkon një qendërmesfushor, pasi Casemiro, Modric dhe Toni Kroos nuk janë më të rinj. Tekniku italian ka hedhur sytë nga Serie A.
Dy janë futbollistët që pëlqen trajneri i Real Madrid: Nicolo Barella (Inter) dhe Manuel Locatelli (Sassuolo), lojtarë që ishin titullarë në takimin Itali-Turqi.
Të dy shkëlqyen në takimin e parë të Euro 2020 dhe presidenti Florentino Perez do të nisë nga puna për t’i sjellë Ancelottit njërin prej tyre në skuadër. /abcnews.al
