Një mace ka më shumë liri në Afganistan sesa një grua, tha aktorja e Hollivudit Meryl Streep në Kombet e Bashkuara në një përpjekje për t’i bërë liderët botërorë të fokusohen në gjendjen e grave dhe vajzave afgane.
“Mënyra se si kjo shoqëri është e strukturuar keq është një paralajmërim për pjesën tjetër të botës,” tha Streep në një ngjarje në margjinat e Asamblesë së Përgjithshme të OKB-së për të inkurajuar përfshirjen e grave në të ardhmen e Afganistanit, raporton Reuters.
Talebanët morën pushtetin në gusht 2021 kur forcat e udhëhequra nga SHBA u tërhoqën pas 20 vitesh luftë.
Kombet e Bashkuara kanë kërkuar një qasje të unifikuar globale në trajtimin e talebanëve, të cilët kanë kërcënuar të drejtat e grave.
Shumica e vajzave janë të ndaluara të ndjekin shkollat e mesme dhe universitetet.
Talibanët kanë mbyllur sallonet e bukurisë dhe kanë kufizuar udhëtimin për gratë pa një kujdestar mashkull.
“Sot në Kabul, një mace ka më shumë liri se një grua. Një mace mund të dalë jashtë dhe të ndjejë diellin. Mund të ndjekë një ketër në park. Një ketër ka më shumë të drejta se një vajzë në Afganistan sot, sepse parqet publike janë të mbyllura. Për gratë dhe vajzat një zog mund të këndojë në Kabul, por vajza jo, gruaja jo në publik, “tha Streep.
Talibanët pretendojnë se respektojnë të drejtat sipas interpretimit të tyre të ligjit islam./abcnews.al
